هل الكنيسة “جسد المسيح السري” بتقوم على قوميات أو أعراق؟

▪️السؤال ده كنت بسأله لنفسي كتير هل الكنيسة “جسد المسيح السري” بيعرف قوميات؟؟
▪️كنت دايمًا بفكر ليه النزعة القومية دي موجودة وكنت شايف إن هي سبب عزلة لينا احنا عشان ننفتح على الأخرين ونعرفهم ونشوف نظرتهم ايه للمسيح؟

▪️حتى لما ربنا اختار شعب بنى إسرائيل عشان اختاره عشان يمثل كل الأمم والشعوب مش لأنهم كانوا الأفضل

▪️لاهوتيًا
الكنيسة مابتعرفش لا عرقية ولا قومية
ق بولس الرسول قال:
“لَيْسَ يَهُودِيٌّ وَلاَ يُونَانِيٌّ، لَيْسَ عَبْدٌ وَلاَ حُرٌّ، لَيْسَ ذَكَرٌ وَأُنْثَى، لأَنَّكُمْ جَمِيعًا وَاحِدٌ فِي الْمَسِيحِ يَسُوعَ” (غلاطية 3: 28)
بيوضح ق. يوحنا ذهبي الفم في عظته تفسير غلاطية إن الإيمان مش بس حولنا كلنا لأولاد الله لأ ده كمان أصبحنا لابسين المسيح وده موجود في نفس الرسالة
“لأنكم انتم الذين بالمسيح اعتمدتم ، المسيح قد لبستم” (غلاطية 3 : 27)
وأصبحنا كلنا نسل إبراهيم وورثة معه في البركات اللي وعدها الله لابراهيم نفس الأصحاح ع 29.
بندخل في الوحدة دي من خلال المعمودية والإفخارستيا ترياق الحياة الأبدية.
كلنا أعضاء في جسد المسيح السري وكل واحد فينا له مواهب وعطايا بنشارك بيها في الجسد الوحد.

▪️تاريخيًا
الكنيسة تأسست منذ بدأ الخليقة ومن خلال التجسد والفداء جددها بقيامته مع الخليقة الجديدة، و أوصى رسله وتلاميذه ان الكنيسة لكل الأمم:
“فاذهَبوا وتَلمِذوا جميعَ الأُمَمِ وعَمِّدوهُم باسمِ الآبِ والِابنِ والرّوحِ القُدُسِ” (متى 28 : 19)

▪️الخلاص مكنش لليهودي ولا اليوناني ولا الحر ولا العبد ولا القبطى ولا الرجل ولا الست الخلاص شمل الجميع
الجميع والجميع مدعوين.

▪️الكنيسة “جسد المسيح السري” لا بتعرف قوميات ولا عرقيات ولا ربنا خص بلد عن التانية.
▪️كلنا بنتجمع في جسد واحد رب واحد يسوع المسيح ، كلنا بنفرح وبنتألم سوا لان الجميع في وحدة في يسوع المسيح.